Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

கட்டுரைகள்

பல்சுவை

கல்வித்தளம்

மருத்துவம்

புகைப்படத்தளம்

சினிமா

சவுதியில் இலங்கை பெண் தற்கொலை

சவுதி அரேபியாவில் வீட்டுப் பணிப்பெண்ணாக தொழில் புரிந்து வந்த இலங்கை பெண்ணொருவர் அவர் பணியாற்றிய வீட்டில் தற்கொலை செய்து கொண்டுள்ளதாக அந்நாட்டு பொலிஸார் தெரிவித்தனர்.

இந்த பெண் வீட்டில் உள்ள குளியலறையில் இவ்வாறு தற்கொலை செய்து கொண்டுள்ளதுடன் சம்பவம் குறித்து பொலிஸார் விசாரணைகளை மேற்கொண்டு வருகின்றனர்.

குளியலறை கதவு நீண்ட நேரம் திறக்கப்படாததால், வீட்டு எஜமான் கதவை தட்டியுள்ளார். உள்ளே இருந்து பதில் எதுவும் கிடைக்காத நிலையில், அவர் கதவை உடைத்து திறந்த போது பெண் இறந்து கிடந்துள்ளார்.

இலங்கை பெண் தற்கொலை செய்து கொண்டுள்ளதாக எந்த காரணத்திற்காக அவர் தற்கொலை செய்து கொண்டார் என்பது குறித்து தாம் விசாரணை நடத்தி வருவதாகவும் சவூதி அரேபிய பொலிஸ் பேச்சாளர் கேர்ணல் சஹிட் அல் ருகாதி தெரிவித்தார்.

சவுதி அரேபியாவின் வடபகுதி நகரான காப்ஜி பிரதேசத்தில் இந்த சம்பவம் நடந்துள்ளது.

48 மணிநேரத்தில் 290.5 மில்லிமீற்றர் மழை பதிவு: வெள்ளத்தில் மூழ்கியது மட்டக்களப்பு - Photo

மட்டக்களப்பில் கடந்த வெள்ளிக்கிழமை காலை தொடக்கம் தொடர்ச்சியாக மழைபெய்து வருவதனால் மக்களின் இயல்பு வாழ்க்கை பாதிக்கப்பட்டுள்ளது. மேலும் இன்று (21) 8.30 மணிவரையான 48 மணிநேர காலப்பகுதியில் மட்டக்களப்பு மாவட்டத்தில் 290.5 மில்லிமீற்றர் மழை பதிவாகியுள்ளதாக மட்டக்களப்பு வானிலை அவதான நிலையப் பொறுப்பாளர் கே. சூரியகுமாரன் தெரிவித்தார்.

மட்டக்களப்பு மாவட்டத்தின் தாழ்நிலப் பிரதேசங்களில் வசிக்கும் மக்களின்  குடியிருப்புகள் வெள்ளத்தில் மூழ்கியுள்ளன.

நாவற்குடா, தாளங்குடா, காத்தான்குடி, ஆரையம்பதி, சித்தாண்டி, ஏறாவூர், செங்கலடி உள்ளிட்ட பல பகுதிகளும் மற்றும் மட்டக்களப்பு நகரின் மாமாங்கம், சின்ன ஊறணி, சின்ன உப்போடை, திசவீரசிங்கம் சதுக்கம் உள்ளிட்ட குடியிருப்புப் பகுதிகளில் வெள்ளம் புகுந்துள்ளதோடு வீதிகளும் வெள்ளத்தில் மூழ்கியுள்ளன.





ஐரோப்பிய குடியுரிமை கொண்ட ஒருவரின் உறவினர் ஐரோப்பியக் குடியுரிமை அற்றவராக இருந்தாலும் பிரித்தானிய செல்ல விசா தேவையில்லை: ஐரோப்பிய நீதிமன்றம்


ஐரோப்பிய ஒன்றியத்திற்கும் பிரித்தானியாவிற்கும் இடையேயான மோதல்கள் தொடர்கின்றன. ஏகாதிபத்தியங்களுக்கு இடையேயான உள்முரண்பாடுகளின் வெளிப்பாடே இது. ஐரோப்பியப் நீதிமன்றத்தின் நேற்றைய தீர்ப்பு ஒன்று வெளிநாட்டு குடியேற்ற வாசிகளுக்கு சாதகமானதாக அமைந்துள்ளது. ஐரோப்பிய குடியுரிமை கொண்ட ஒருவரின் உறவினர் ஐரோப்பியக் குடியுரிமை அற்றவராக இருந்தாலும் பிரித்தானியாவிற்கு செல்வதற்கு அவருக்கு விசாவோ அன்றி குடும்ப அனுமதியோ தேவையில்லை என ஐரோப்பிய நீதிமன்றம் தீர்ப்பு வழங்கியுள்ளது.

மக்காதி என்பவரின் மனைவி பிரித்தானியாவிற்குச் செல்வதற்கு ஆறுமாத குடும்ப அனுமதிபபத்திரத்தை பிரித்தானிய குடிவரவுத் திணைக்களம் கோரியது, அதனை எதிர்த்து ஐரோப்பியப் பாராளுமன்றத்தில் மக்காதி வழக்குத் தாக்கல் செய்த போதே இத்தீர்ப்பின் முழுமையையும் ஐரோப்பிய நீதிமன்றம் வழங்கியுள்ளது.

ஐயர்லாந்து மற்றும் பிரித்தானியா ஆகிய இரண்டு நாடுகளதும் குடியுரிமையைக் கொண்டிருக்கும் மக்காதி (McCarthy )என்பவரின் மனைவு கொலம்பிய நாட்டுப் பிரசையாவர். இவர்கள் இருவரும் ஸ்பானியாவில் வாழ்ந்து வருகின்றனர். திருமணமான போதும் மக்காதியின் மனைவி ஹெலேனா (Helena)தனது குடியுரிமையை மாற்றவில்லை. ஹெலேனா பிரித்தானியாவிற்குச் செல்வதற்கான உரிமையை அந்த நாடு மறுத்துவந்தது. அந்த முடிவு சட்டரீதியாகத் தவறானது என்றே ஐரோப்பிய நீதிமன்றம் தீர்ப்பு வழங்கியுள்ளது.

இந்த வகையில் ஐரோப்பாவில் வசிக்கும் உரிமைபெற்ற எவரும் விசா இன்றி பிரித்தானியாவிற்குள் செல்லலாம்.ஐரோப்பிய நாடொன்றில் குடியுரிமையுடைய ஒருவர் பிரித்தானியாவில் வசிக்கும் போது இலங்கையிலிருந்து பிரித்தானியாவிற்குச் சென்று தற்காலிகமாகத் தங்கியுள்ள ஒருவரை ஐந்து வருடங்களுக்குத் தனது பொறுப்பில் எடுத்துக்கொள்ளலாம். அகதி அனுமதி நிராகரிக்கப்பட்ட ஒருவரையோ, கற்கைக்கான அனுமதியில் வந்த ஒருவரையோ ஐரோப்பிய குடியுரிமை பெற்றவர் ஐந்து வருடங்களுக்கு வேலை செய்யும் அனுமதியுடன் தனது பொறுப்பில் எடுத்துக்கொள்ளலாம்.

யாழ்ப்பாணத்துக்கு வருகை தந்திருந்திருக்கும் இயக்குநர் பாரதிராஜா வடக்கு முதல்வரை சந்தித்தார்-Photo

தமிழ் நாட்டில் இருந்து யாழ்ப்பாணத்துக்கு வருகை தந்திருந்திருக்கும் இயக்குநர் பாரதிராஜா இன்று ஞாயிற்றுக்கிழமை (21.12.2014) மரியாதை நிமித்தமாக வடக்கு முதல்வர் க.வி. விக்னேஸ்வரன் அவர்களை அவரது வாசஸ்தலத்துக்குச் சென்று சந்தித்திருந்தார். இந்தச் சந்திப்பில் வடக்கு முதல்வருடன் வடமாகாண விவசாய அமைச்சர் பொ.ஐங்கரநேசனும் கலந்து கொண்டிருந்தார்.





மன்னார் பொது விளையாட்டரங்கின் அவல நிலை - Photo


மன்னார் பொதுவிளையாட்டரங்கானது மிகவும் கவலைக்குரிய இடமாக காட்சியளிக்கின்றது. காரணம் மழைவெள்ளமும் அரங்கிற்குள் விலங்குகளின் நடமாட்டமும் சிறு சிறு முற்செடிகளும் காணப்படுகின்ற அதே வேளை மோசமானநிலையில் நீர்த் தாங்கியும் விளையாட்டு வீரர்கள் உடைமாற்றிக் கொள்ள தகுந்த இடமும் இல்லை.

 நல்ல நிலையிலான கழிவறை வசதியும் இல்லை மொத்தத்தில் எந்தவித அடிப்படை வசதியற்ற நிலையில் காணப்படும் விளையாட்டரங்கினுள் உள்ளகவிளையாட்டரங்க பணி நிறைவடையும் நிலையில் இருந்தாலும்  மன்னார் மாவட்டதிதில் உள்ள அனைத்து பாடசாலைகளினதும் விளையாட்டுப் போட்டிகள்,கலாச்சார,அரசியல் நிகழ்வுகள் அனைத்தும். நடைபெறும் ஒரு முக்கிய தளமாக காணப்படுகின்ற இவ்விளையாட்டரங்கை சிறந்த முறையில் புனர்நிர்மாணம் செய்யவேண்டிய தார்மீகப்பொறுப்பு சம்மந்தப்பட்ட அமைப்புகளின் கைகளிலே உள்ளது உணர்ந்தால் நன்மை நமக்கே.









ஐ படம் உலகம் முழுவதும் 5000 திரையரங்குகளில் ஜனவரி 9 ஆம் திகதி வெளியாகிறது

ஷங்கர் இயக்கத்தில் விக்ரம், எமிஜாக்சன் நடித்த ‘ஐ’படம் மெகா பட்ஜெட்டில் தயாராகியுள்ளது.

இதன் பட வேலைகள் 2012லேயே தொடங்கப்பட்டிருந்தாலும் தற்போது முடிவுக்கு வந்துள்ளது.

தமிழ், தெலுங்கு, இந்தி, ஆங்கிலம் உள்ளிட்ட பல மொழிகளில் இப்படம் வெளியாகவுள்ளது.

திரையுலக ரசிகர்கள் மிகவும் ஆவலுடன் எதிர்பார்த்துக் காத்திருந்த ‘ஐ’ படத்தின் ட்ரெய்லர் நேற்று வெளியானது. இரண்டு நிமிடங்கள் வரையுள்ள இந்த ட்ரெய்லர் தற்போது ரசிகர்களிடையே பெரும் வரவேற்பைப் பெற்றுள்ளதோடு, படத்தின் எதிர்பார்ப்பை பன்மடங்கு உயர்த்தியுள்ளது.

இந்நிலையில், நேற்று ‘ஐ’ படம் தணிக்கை செய்யப்பட்டு படத்திற்கு யுஏ சான்றிதழ் வழங்கப்பட்டுள்ளது.

இதனால் வரிச்சலுகை கிடைக்காது என்பதால் படக்குழுவினர் மீள் பரிசீலனைக்காக செல்லவுள்ளதாகக் கூறப்படுகிறது.

படத்தில் வன்முறைக் காட்சிகள் அதிகம் இருப்பதால் யுஏ சான்றிதழ் கொடுக்கப்பட்டதாக சென்சார் தரப்பில் இருந்து அறிவிக்கப்பட்டுள்ளது.

இந்தப் படம் உலகம் முழுவதும் சுமார் 5000 திரையரங்குகளுக்கு மேல் ஒரே நேரத்தில் ஜனவரி 9 ஆம் திகதி வெளியாகவுள்ளது.

கடும் மழையின் காரணமாக மல்வத்து ஓயா பெருக்கெடுப்பு-மன்னார் மாவட்டத்தில் இது வரை 271குடும்பங்களைச் சேர்ந்த 835 பேர் இடப்பெயர்வு.-Photos

கடும் மழையின் காரணமாகவும்,மல்வத்து ஓயா பெறுக்கெடுத்துள்ளதன் காணமாகவும் மன்னார் மாவட்டத்தில் இது வரை 271 குடும்பங்களைச் சேர்ந்த 835 பேர் பாதீக்கப்பட்டு இடம் பெயர்ந்துள்ளதாக மன்னார் மாவட்ட அனார்த்த முகாமைத்துவ பிரிவின் மாவட்ட உதவிப்பணிப்பாளர் எம்.ஏ.சி.முஹமட் றியாஸ் தெரிவித்துள்ளார்.

இந்த நிலையில் மன்னார் பிரதேசச் செயலாளர் பிரிவில் தலைமன்னார்,துள்ளுக்குடியிறுப்பு,எமிழ் நகர்,சாந்திபுரம்,செல்வநகர் ஆகிய 5 கிராமங்களைச் சேர்ந்த 212 குடும்பங்களைச் சேர்ந்த 657 பேர் மழை வெள்ளத்தினால் பாதீக்கப்பட்டு அப்பகுதியில் உள்ள பொது மண்டபங்கள்,ஆலயங்கள் ஆகியவற்றில் தங்கவைக்கப்பட்டுள்ளனர்.சுமார் 8 இடங்களில் இந்த மக்கள் இவ்வாறு தங்கவைக்கப்பட்டுள்ளனர்.

இதே வேளை மடு உதவி அரசாங்க அதிபர் பிரிவுக்குற்பட்ட தம்பனைக்குளம் கிராமத்தினுள் மல்வத்து ஓயா பெருக்கெடுத்துள்ளதன் காரணமாக அக்கிராமத்தைச் சேர்ந்த மக்களை உடனடியாக வெளியேற அறிவித்தல் வழங்கப்பட்டுள்ள போதும் அக்கிராமத்தில் உள்ள 360 குடும்பங்களில் 59 குடும்பங்களைச் சேர்ந்த 183 பேர் இடம் பெயர்ந்துள்ளனர்.

இடம் பெயர்ந்த 59 குடும்பங்களைச் சேர்ந்த 183 பேர் தற்போது சின்னப்பண்டிவிருச்சான் பாடசாலையில் தங்க வைக்கப்பட்டுள்ளனர்.ஏனைய 301 குடும்பங்கள் இது வரை வெளியேறவில்லை.

இதே வேளை நானாட்டான் பிரதேசச் செயலாளர் பிரிவுக்குற்பட்ட இராசமடு,மடுக்கரை,அச்சங்குளம்,இசைமாளத்தாழ்வு ஆகிய நான்கு கிராம மக்களையும்,முசலி பிரதேசச் செயலாளர் பிரிவுக்குற்பட்ட 4 ஆம் கட்டை,மருதமடு,வேப்பங்குளம் ஆகிய மூன்று கிராம மக்களையும் அவதானத்துடன் இருக்குமாறு மாவட்ட அனார்த்த முகாமைத்துவப்பிரிவு வேண்டு கோள் விடுத்துள்ளது.
தொடர்ச்சியாக மழை பெய்து வகின்றமையினால்  மல்வத்து ஓயா பெறுக்கெடுப்பு அதிகரித்தால் குறித்த கிராமங்களுக்குள் வெள்ள நீர் செல்லும் அபாயம் உள்ளதாக மாவட்ட அனார்த்த முகாமைத்துவப்பிரிவு மேலும் தெரிவித்துள்ளது.

இதே வேளை மன்னார் மாவட்டத்தில் மேற்கொள்ளப்பட்டுள்ள விவசாயச் செய்கையும் அதிகலவில் பாதீப்படைந்துள்ளதாகவும் விவசாய நிலங்கள் குளம் போல் காட்சியளிப்பதாகவும் தெரிவிக்கப்படுகின்றது.

பாதீக்கப்பட்ட மக்களை தமிழ் தேசியக்கூட்டமைப்பின் வன்னி மாவட்ட பாராளுமன்ற உறுப்பினர் செல்வம் அடைக்கலநாதன்,வடமாகாண அமைச்சர் பா.டெனிஸ்வரன்,வடமாகாண சபை உறுப்பினர் றிப்கான் பதியுதீன் ஆகியோர் மக்களை நேரில் சென்று பார்வையிட்டுள்ளதோடு அந்த மக்களுக்கு தேவையான உதவிகளை வழங்க நடவடிக்கைகளை மேற்கொண்டுள்ளனர்.




06 A side மென்பந்து கிரிக்கெட் சுற்றுப்போட்டிக்கு விண்ணப்பம் கோரல்: முடிவுத் திகதி 23-12-2014

இலங்கை கிரிக்கெட் சபையின் ஏற்ப்பாட்டில் மாவட்ட கிரிக்கெட் பயிற்றுவிப்பாளர் மற்றும் மன்னார் மாவட்ட கிரிக்கெட் சங்கத்தினால் நடாத்தப்படும் அணிக்கு ஆறு பேர் கொண்ட மாபெரும் மென்பந்து கிரிக்கெட் சுற்றுப்போட்டியானது வருகின்ற 2014-12-26ம், 2014-12-27ம் திகதிகளில் மன்னாரில் நடைபெறவுள்ளது. இதற்கு 40 அணிகள் மாத்திரமே பங்குபற்றமுடியும். எனவே பங்குபற்ற விரும்பும் கழகங்கள் கீழ்வரும் நிபந்தனைகளுடன்  மன்னார் மாவட்ட கிரிக்கெட் சங்க செயலாளர் திரு.அமல்ராஜன் தொலைபேசி இலக்கம் 0770686898 என்பவரிடம் தொடர்பு கொள்ளுமாறு கேட்டுக்கொள்கின்றோம்.

01. மன்னார் மாவட்டத்திலுள்ள பதிவு செய்யப்பட்ட கழகங்கள் மாத்திரமே பங்குபற்றமுடியும்.

02. ஒரு கழகத்திலிருந்து ஒரு அணி மாத்திரமே     பங்குபற்றமுடியும்.

03. சுற்றுப்போட்டியில் பங்குபற்றும் 40 அணிகளுக்கும் விளையாட்டு உபகரணங்கள் வழங்கப்படும்.

04. நுழைவுக்கட்டணம் இல்லை.

05. விண்ணப்ப இறுதித் திகதி 2014-12-23 செவ்வாய்க்கிமை பிற்பகல் 4.00 மணி.

06. முதலில் விண்ணப்பிக்கும் 40 கழகங்கள்

வடக்கு-தெற்கு கலாச்சார இளைஞர் உறவு பரிமாற்றம் நல்லினக்கம் பேணல் நிகழ்ச்சி திட்டம் -படங்கள்

வடக்கு-தெற்கு கலாச்சார இளைஞர் உறவு பரிமாற்றம் நல்லினக்கம் பேணல் நிகழ்ச்சி திட்டமானது 19-12-2014-21-12-2014 வரை  மன்னார் மாவட்டச்செயலகத்தில் நடைபெற்றுவருகின்றது முதற்கட்ட நிகழ்வாக 19-12-2014 அன்று வெகுவிமரிசையாக நடைபெற்றது. வடக்கு-தெற்கு இளைஞர் யுவதிகளிடம் கலைகலாச்சார மற்றும் பாரம்பரிய நல்லினக்கத்தை பேணும்முகமாக நடை பெற்று வருகின்ற நிகழ்வினிலே நடனநாட்டியங்கள் மொழிப்பரிமாற்றங்கள் பலவற்றை பரிமாறிக் கொள்ளுதலும் புரிந்துணர்வுமான இளைஞர்களுக்கான நிகழ்வாகும்

.இன்நிகழ்வில் மன்னார்மாவட்ட அரசாங்க அதிபர் எம்;-வை-தேசப்பிரிய அவர்களும் விளையாட்டு கலைகலாச்சார இளைஞர் விவகார அமைச்சின் செயளாலரும் மற்றும் மன்னார் மவட்ட உதவி தேர்தல் ஆணையாளர் டி.சி.அரவிந்தராஜ் அவர்களும் பிரதேச செயளாலர் கே-வசந்தகுமார் உதவிச்செயளாலர் வி.பபாகரன் அத்தோடு வடக்கு-தெற்கு மாகாணங்களின் கலாச்சார உத்தியோகத்தர்கள் பிரமுகர்களும் கலந்து சிறப்பித்தனர்.