Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

பல்சுவை

School events

கல்வித்தளம்

மருத்துவம்

புகைப்படத்தளம்

கட்டுரைகள்

சினிமா

நம்பிக்கை இழந்துவிட்ட வடக்கு கிழக்கு!


கடந்த வருடம் செப்டம்பர் மாதம் 24ம் திகதி யாழில் நடைபெற்ற எழுக தமிழ் நடைபெற்ற போது ஒரு சந்தேகம் தான் இருந்தது. என்னவென்றால் ஒற்றையாட்சி முறைதான் வரக்கூடும் என,

ஆனால் இரண்டாவது எழுக தமிழ் மட்டக்களப்பில் நடைபெறவிருக்கின்ற வேளையில் அந்த எழுக தமிழை நடத்த இருக்கின்ற வேளை நம்பிக்கை இழந்துவிட்டது என பொ.கஜேந்திரகுமார் தெரிவித்தார்.

நேற்று புதன்கிழமை மட்டக்களப்பு - வாகரை கண்டலடி பிரதேசத்தில் மட்டக்களப்பில் நடைபெறப்போகும் எழுக தமிழ் தொடர்பான பிரதேச மட்டத்திலான தலைவர்களை சந்தித்து நடைபெற்ற கலந்துரையாடலில் கலந்து கொண்டு கருத்து தெரிவிக்கையில் மேற்கண்டவாறு தெரிவித்தார்.

அவர் தொடர்ந்து கருத்து தெரிவிக்கையில், இன்றைய நிலையில் சந்தேகத்திற்கு இடமில்லை. வருவது ஒற்றையாட்சி முறைதான் என தெட்டத்தெளிவாக தெரிகிறது.


நாட்டின் சனாதிபதி ஒற்றையாட்சி முறைதான், மாற்றம் இல்லை என உறுதியாக தனது இரண்டாவது ஆட்சியின் வருட பூர்த்தி விழாவில் சிங்கள மக்கள் முன்னிலையில் வாக்குறுதிபட கூறியுள்ளார்.

ஆனால் வடகிழக்கில் இருக்கும் ஒருசிலர் 'தங்களுக்கு நம்பிக்கை இருக்கு, தங்களுக்கு நம்பிக்கை இருக்கு' என தாங்கள் ஏற்றுக் கொள்ளக்கூடிய கருத்து உருவாக்கத்தினை இன்றைய நிலையில் கூட கூறிவருகின்றமை மன வேதனையளிக்கின்றது.

வடகிழக்கில் இருக்கும் தமிழர்களின் ஆதரவைப் பெற்று ஒற்றையாட்சிக் கொள்கை அரியாசனம் ஏறும் நிலைமையை சிங்கள தேசம் உருவாக்கி வருகின்ற நிலையை இன்றைய நிலையில் முன்னெடுத்து வருகின்றார்கள் என தெரிவித்தார்.

பிரித்தானியாவில் கடுமையான பனி பொழிவு...! 60 பேர் வரையில் பலி....


ஐரோப்பா மற்றும் பிரித்தானியாவில் நிலவி வரும் கடுமையா பனிப் பொழிவின் காரணமாக 60 பேர் வரையில் உயிரிழந்துள்ளதாக தெரிவிக்கப்படுகின்றது.

சர்வதேச ஊடகம் ஒன்று வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது. வீடு இல்லாதவர்களும், வயோதிபர்களுமே அதிகளவில் உயிரிழந்திருப்பதாக அந்த செய்தியில் குறிப்பிடப்பட்டுள்ளது.

இந்நிலையில், வீடு இல்லாதவர்களுக்கு பாடசாலைகளில் தற்காலிக முகாம்கள் அமைக்கப்பட்டுள்ள நிலையில், குறித்த முகாம்களுக்கு செல்லுமாறு கோரிக்கை விடுக்கப்பட்டுள்ளது.

இதேவேளை, கடந்த வாரம் போலாந்தில் ஏற்பட்ட கடுமையான பனிப் பொழிவு காரணமாக 20க்கும் மேற்பட்டவர்கள் உயிரிழந்திருந்ததாக அந்த செய்தியில் மேலும் தெரிவிக்கப்பட்டுள்ளது.

மன்-அல்.அஸ்ஹர் தேசிய பாடசாலையின் 2016 க.பொ.த(உ.த)பரீட்சை முடிவுகள் முழுமையாக ஒரே பார்வையில்…



மன்-அல்.அஸ்ஹர் தேசிய பாடசாலையின் 2016 க.பொ.த(உ.த)பரீட்சை முடிவுகள் முழுமையாக ஒரே பார்வையில்…
முதல் பத்து இடத்திற்குள் இடம் பிடித்த இருமாணவமாணவிகள்
Arts-  F.F.Asja-A.2B-10இடம்

 Tec-M.N.M.Illthizam-B.C.S- 07இடம்


BIO-STREAM
1.  A.M.Aadhil- B-C-S
2.  M.N.M.Rifath-C-2S
3.  M.J.M.Siyam-3C
4.  M.S.M.Adhnan-3S
5.  M.S.F.Sasla-3S
6.  M.R.T.Rishafa-C.2S
7.  S.R.N.Frwin-B.2C
8.  S.F.Shahla-3S
9.  R.H.F.Rusaina-B.2S
10.                   M.A.Fasha-B.2C
11.                   A.F.Ismila-B.2C
12.                   H.N.F.Asra-2B.S
13.                   R.F.F.Riska-2B.S
14.                   H.F.Rifka-C.2S
15.                   W.F.Jasna-3C

MATHS-STREAM
1.  M.M.Mifihah-B.2C
2.  M.N.M.Arafath-C.2S

TECHNOLOGY-STREAM
1.  M.A.Banu-C.2S
2.  M.R.Firosha-C.2S
3.  M.F.Ijas Ahamed-3S
4.  M.S.M.Shakeela-3S
5.  S.H.M.Wazeem-B.2S
6.  M.F.M.Nishath-3S
7.  M.N.M.Illthizam-B.C.S

COMMERCE-STREAM
1.  R.Nifala-2C.S
2.  F.H.I.Shimah-A.B.C

ARTS-STREAM
1.  H.F.Hasna-A.C.S
2.  B.F.Farwin-2B.C
3.  T.Nafla-A.2C
4.  M.U.L.Hilma-A.2B
5.  A.I.Muneera-2C.S
6.  M.F.Ismarth-B.2C
7.  S.J.Pavithra-A.C.S
8.  B.J.Farwin-A.B.C 
F.F.Asja-A.2B-

10N.Nishaa-C.2S



பரீட்சைக்கு விண்ணப்பித்தோர்-43
பரீட்சை எழுதியோர்-40
சித்தியடைந்தோர்-36-சித்தி வீதம்-90
பல்கலைகழகத்திற்கு தகுதி பெற்றோர்-28-சித்தி வீதம்-70

சித்தியடைந்த மாணவமாணவிகளுக்கும் அவர்களுக்கு கற்பித்த ஆசிரியர்கள் அதிபர் அனைவரையும் நியூமன்னார் இணையக்குழுமம் சார்பாக வாழ்த்தி நிற்கின்றோம்.

தொகுப்பு-வை.கஜேந்திரன்-

இலங்கையில் கால் பதிக்கும் சூர்யாவின் அகரம் பவுண்டேஷன்...!


நடிகர் சூர்யாவின் அகரம் பவுண்டேஷன் தனது சேவையினை இலங்கையிலும் விஸ்தரிக்கும் நோக்கில் நடவடிக்கைகளை ஆரம்பித்துள்ளது.

இந்த விடயம் தொடர்பில் கல்வி இராஜாங்க அமைச்சர் வீ.ராதகிருஸ்ணன் அகரம் பவுண்டேஷன் உறுப்பினர்களுடன் கலந்துரையாடல் ஒன்று இடம்பெற்றுள்ளதாக கொழும்பு ஊடகம் ஒன்று செய்தி வெளியிட்டுள்ளது.

வறுமையில் இருக்கும் மாணவர்களின் கல்வி வளர்ச்சியை நோக்காக கொண்டு கடந்த 2006ஆம் ஆண்டு அகரம் பவுண்டேஷன் ஆரம்பிக்கப்பட்டது.

அகரம் பவுண்டேஷனின் வருடாந்த ஒன்று கூடல் அண்மையில் இடம்பெற்ற நிலையில், அதில் கல்வி இராஜாங்க அமைச்சர் வீ.ராதகிருஸ்ணன் அவர்களும் கலந்துகொண்டார்.

இதன் போது அகரம் பவுண்டேஷன் இலங்கையில் செயற்படுவது குறித்து கலந்துரையாடப்பட்டுள்ளதாக தெரிவிக்கப்பட்டுள்ளது

இது குறித்து ஆராயும் நோக்கில் அகரம் பவுண்டேஷனின் குழுவொன்று விரைவில் இலங்கைக்கு விஜயம் செய்யவுள்ளதாக அந்த செய்தியில் மேலும் தெரிவிக்கப்பட்டுள்ளது.



கண்டி வைத்தியசாலையில் மர்மம்! திடீரென உயிரிழக்கும் நோயாளிகள்! உடனடியாக மூடுமாறு உத்தரவு


கண்டி வைத்தியசாலையில் பரவி வரும் ஒருவித வைரஸ் காரணமாக உயிரிழப்புக்கள் ஏற்பட்டுள்ளதாக அதிர்ச்சித் தகவல் வெளியாகியுள்ளது.

கடந்த 48 மணி நேரத்தில் மூன்று நோயாளிகள் திடீரென உயிரிழந்துள்ளனர்.

இதனையடுத்து உடடியாக அமுலுக்கு வரும் வகையில், கண்டி பொது வைத்தியசாலையின் நோயாளர் அறை (வாட்) மூடப்பட்டுள்ளது.

கண்டி பொது வைத்தியசாலையின் 65ம் இலக்க நோயாளர் அறையை உடனடியாக அமுலாகும் விதமாக மூடுவதற்கு நடவடிக்கை எடுக்கப்பட்டுள்ளது.

வைத்தியசாலையின் குறித்த அறையில் வேகமாக பரவும் வைரஸ் காரணமாக இந்த மரணங்கள் இடம்பெற்றுள்ளதாக வைத்தியசாலை பணிப்பாளர் வைத்தியர் தெரிவித்துள்ளார்.

2016 ஆம் ஆண்டு மட்டும் அமெரிக்கா வீசிய வெடிகுண்டுகளின் எண்ணிக்கை எத்தனை தெரியுமா?


ஒபாமா ஆட்சி காலத்தில் கடந்த ஆண்டு மட்டும் யுத்தக்களத்தில் 26,171 வெடிகுண்டுகளை வீசியுள்ளதாக பகீர் தகவல் வெளியாகியுள்ளது.

கடந்த 2009 ஆம் ஆண்டு அமெரிக்க ஜனாதிபதியாக பொறுப்பேற்றுக்கொண்ட ஒபாமா, அதுவரை நடைபெற்று வந்த கொடூர ஆட்சிக்கு முற்றுப்புள்ளி வைக்கப்படும் என்ற வாக்குறுதியை அந்த நாட்டு மக்களுக்கு அளித்தார்.

தொடர்ந்து 8 ஆண்டு காலம் ஆட்சி செய்த ஜார்ஜ் புஷ், அமெரிக்க வரலாற்றிலேயே அதிக யுத்தங்களை முன்னெடுத்த ஜனாதிபதியாக பார்க்கப்பட்டு வந்த நிலையில், ஒபாமாவின் புதிய வாக்குறுதி அமெரிக்க மக்களை நெகிழ வைத்தது.

அதற்கேற்றார் போல ஆப்கான் மற்றும் ஈராக் நாடுகளில் குவிக்கப்பட்டிருந்த அமெரிக்க ராணுவத்தின் எண்ணிக்கையை பெருமளவில் கட்டுப்படுத்தினார்.

ஆனால் வான்வழி தாக்குதல் மற்றும் சிறப்புப்படையினரின் செயல்பாடுகளை உலகெங்கும் முடுக்கிவிட்டார்.

2016 ஆம் ஆண்டு மட்டும் உலகெங்கும் 138 நாடுகளில் அமெரிக்க சிறப்புப்படையினரின் செயல்பாடுகள் 70% இருந்ததாக புதிய தரவுகள் உறுதி செய்துள்ளன. இது புஷ் அரசைவிட 130% அதிகம் என கூறப்படுகிறது.

மட்டுமின்றி ஒபாமா அரசு கடந்த ஓராண்டு மட்டும் 26,171 வெடிகுண்டுகளை வீசியுள்ளது. இது மணிக்கு 3 வெடிகுண்டுகள் என வீசப்பட்டுள்ளதாக தெரிய வந்துள்ளது.

இதில் பெரும்பாலான வான்வழி தாக்குதல்கள் சிரியா மற்றும் ஈராக்கில் நடந்துள்ளது. மட்டுமின்றி ஆப்கான், லிபியா, ஏமன், சோமாலியா மற்றும் பாகிஸ்தான் ஆகிய நாடுகளில் அமெரிக்கா வான்வழி தாக்குதல்களை கட்டவிழ்த்து விட்டதும் ஒபாமா ஆட்சி காலத்தில் தான்.

மட்டுமின்றி ஒபாமா ஆட்சி காலத்தில் தான் ஆளில்லா விமான தாக்குதல்கள் அதிக அளவில் முன்னெடுக்கப்பட்டது. இதுவும் குறிப்பாக பாகிஸ்தான் மற்றும் ஏமன் நாடுகளில் மட்டும் பெரும்பாலும் பயன்படுத்தப்பட்டுள்ளது.

வெள்ளை மாளிகையில் மகள் எப்படி வளர்ந்தனர்? ஜனாதிபதி ஒபாமா உருக்கமான பேச்சு


அமெரிக்க ஜனாதிபதியாக பதவி வகித்தபோது தன்னுடைய இரண்டு மகள்கள் வெள்ளை மாளிகையில் எப்படி வளர்ந்தனர் என்பது குறித்து ஒபாமா உருக்கமாக பேசியுள்ளார்.

அமெரிக்க ஜனாதிபதியாக பதவியேற்றபோது சாஷா மற்றும் மலியா மகள்களுடன் 8 ஆண்டுகளுக்கு முன்னர் ஒபாமா வெள்ளை மாளிகையில் நுழைந்தார்.

ஜனாதிபதியின் அதிகாரத்துடன் தந்தை உள்ளபோது தன்னுடைய மகள்கள் அதனை தவறாக பயன்படுத்தி விடுவார்களா என ஒபாமாவும் மீச்செல்லும் கவலைக் கொண்டனர்.

ஆனால், பெற்றோரின் கவலையை போக்கும் வகையில் இருவரும் 8 ஆண்டுகளாக அன்பாகவும் மரியாதையாகவும் வளர்ந்துள்ளனர்.

வெள்ளை மாளிகை அதிகாரிகளிடமும் பொது மக்களிடமும் மிகுந்த மரியாதையாகவும் பழகினர். இது பெற்றோர்களாகிய எங்களுக்கு மிகவும் பெருமை அளிக்கிறது.
மகள்களை இந்தளவிற்கு வளர்த்த தன்னுடைய மனைவியான மீச்செலுக்கு தான் இந்த பெருமை அனைத்தும் சேரும் என ஒபாமா உருக்கமாக பேசியுள்ளார்.

பூமிக்கு அருகில் செவ்வாய்! வெற்றுக்கண்ணால் பார்க்க இலங்கையர்களுக்கு வாய்ப்பு


பூமிக்கு மிக அருகிலுள்ள கிரகமான செவ்வாய் நாளைய தினம் மிகவும் பிரகாசமாக தோன்றும். அதனை வெற்று கண்ணால் பார்வையிடுவதற்கு இலங்கை மக்களுக்கு சந்தர்ப்பம் கிடைத்துள்ளது.

பெளர்ணமி தினமான நாளை இரவு செவ்வாய் கிரகம் தெளிவான காட்சியாக தோன்றும் என கொழும்பு பல்கலைக்கழக பேராசிரியர் சந்தன ஜயரத்ன தெரிவித்துள்ளார்.

நாளை சூரியன் மறைந்த பின்னர் செவ்வாய் கிரகம் தெளிவாகவும், பூமிக்கு அருகிலும் காண முடியும் எனவும் அவர் குறிப்பிட்டுள்ளார்.

அதற்கமைய 12ஆம் திகதி இரவு 7 மணியில் இருந்து 10 மணிவரை இந்த காட்சியினை இலங்கையர்கள் பார்வையிடுவதற்கு சந்தர்ப்பம் கிடைக்கவுள்ளது.

மீண்டும் இந்த காட்சியை எதிர்வரும் வருடம் ஒகஸ்ட் மாதமே காண முடியும் என பேராசிரியர் மேலும் தெரிவித்துள்ளார்.

தமிழ் மக்கள் எதிர்ப்பார்த்தது என்ன...? பிரச்சினைகள் தீர்ந்து விட்டதாகவும் கூறமுடியாது..! சம்பந்தன் விளக்கம்


கடந்த கால ஆட்சியை மாற்றி அமைக்க பாரிய வாக்குகளை எமது மக்கள் இந்த அரசாங்கத்திற்கு வழங்கியிருக்கின்றார்கள்.

அதற்கு காரணம் நாங்களும் இந்த நாட்டில் மற்ற சமூகங்களை போல் மதிக்கப்பட வேண்டும். நாங்களும் எல்லா உரிமைகளும் பெற்றவர்களாக வாழ வேண்டும். எமது சுய மரியாதையும் கௌரவமும் பாதுகாக்கப்பட வேண்டும்.

இந்த விடயங்களை எதிர்பார்த்தே தமது வாக்குகளை வழங்கினார்கள் என தமிழ் தேசிய கூட்டமைப்பின் தலைவரும் எதிர்கட்சி தலைவருமான இரா.சம்பந்தன் தெரிவித்துள்ளார்.

தேசிய ஒருங்கிணைப்பு நல்லினக்க அமைச்சின் ஏற்பாட்டில் நல்லிணக்க வாரம் இன்று கொழும்பு விவேகாநந்தா தேசிய கல்லூரியில் நடைபெற்றது.

இந்த நிகழ்வில் கலந்துக்கொண்டு கருத்து தெரிவித்த அவர் இவ்வாறு குறிப்பிட்டுள்ளார். தொடர்ந்தும் கருத்து தெரிவித்த அவர்,

இரண்டு இனங்களுக்கு இடையில் நல்லிணக்கத்தை ஏற்படுத்த தற்பொழுது அரசாங்கம் முயற்சிகளை மேற்கொண்டு வருகின்றது. அதனை நாங்கள் வரவேற்கின்றோம்.

இந்த நாட்டில் இருக்கின்ற அனைத்து மக்களும் ஒற்றுமையாக இருக்க வேண்டியது மிகவும் அவசியமான ஒன்றாகும். நாங்களும் அதனையே எதிர்பார்க்கின்றோம்.

சர்வதேசத்தின் மதிப்பை நாம் பெற்றுக்கொள்ள வேண்டுமானால் நாம் அனைவரும் ஒன்றுபட்டு செயற்பட வேண்டும்.

சமாதானத்தை ஏற்படுத்த இந்த நாட்டின் அனைத்து மக்களும் ஒத்துழைப்பு வழங்க வேண்டும்.

எமக்கு பல பிரச்சினைகள் இருக்கின்றன. அதனை நான் ஏற்றுக் கொள்கின்றேன். பிரச்சினைகள் எல்லாம் தீர்ந்துவிட்டதாக நாம் கூற முடியாது. பல பிரச்சினைகள் தீர்க்கப்படாமல் இருக்கின்றன.

ஆட்சி மாற்றத்தின் காரணமாக ஆடசியாளர்கள் மத்தியில் ஒரு மாற்றம் ஏற்பட்டிருக்கின்றது. ஒரு வித்தியாசத்தை நாங்கள் அவதானிக்கின்றோம்.

இந்த பிரச்சினைகளை பல்வேறு சவால்களுக்கு மத்தியில் தீர்ப்பதற்கு முயற்சிகளை மேற்கொண்டு வருகின்றார்கள். தீர்க்க எத்தனிக்கின்றார்கள்.

பிரச்சினைகள் முழுமையாக தீர்க்கப்படாவிட்டாலும் கூட அதற்கான எமது ஒத்துழைப்பை நாம் வழங்காமல் இருக்க முடியாது. ஏனென்றால் நாங்களும் இதில் ஒரு பங்காளிகள்.

எமக்கு இதில் முக்கிய ஒரு பங்கு இருக்கின்றது. அந்த பங்களிப்பை செய்ய நாம் பின்நிற்க கூடாது. காணாமல் போனோர் தொடர்பாக விரைவில் ஒரு முடிவு வர வேண்டும்.

நீண்ட நாட்களாக இது தொடர்பாக பல போராட்டங்கள் நடைபெற்று வருகின்றன. இது தொடர்பாக சில மாதங்களுக்கு முன்பு பாராளுமன்றத்தில் ஒரு அலுவலகமும் அமைக்கப்பட்டுள்ளது.

அதற்காக உருவாக்கப்பட்ட சட்டம் அமுல்படுத்தப்பட வேண்டும் எனவும் அவர் வலியுறுத்தியுள்ளார். எங்கள் மக்களுடைய நியாயமான பிரச்சினைகளுக்கு ஒரு தீர்வு காணப்பட வேண்டும்.

அந்த மக்களுடைய வாழ்ககையில் ஒரு நிம்மதி ஏற்பட வேண்டும். ஒரு சமாதானம் ஏற்பட வேண்டும். அவர்களுடைய மனதில் ஒரு சாந்தி ஏற்பட வேண்டும். அவர்கள் நடந்த உண்மையை அறிய வேண்டும்.

இந்த விடயத்தில் அரசாங்கம் காலத்தை வீணடிக்காது செயற்பட வேண்டும் என நான் கருதுகின்றேன். எமது மக்களுக்கு சொந்தமான காணிகள் இன்னும் கொடுக்கப்படவில்லை.

அவர்களின் விவசாய நிலங்கள் அவர்களுக்கு கையளிக்கப்படவில்லை. இதனால் அவர்கள் பொருளாதார ரீதியாக பாதிக்கப்பட்டுள்ளார்கள்.

இந்த விடயங்களில் தற்பொழுது படிப்படியாக முன்னேற்றம் ஏற்படுகின்றது. ஆனால் இன்னும் விரைவுபடுத்தப்பட வேண்டும் என அவர் மேலும் தெரிவித்துள்ளார்.

மன்னரில் கடந்த 10 தினங்களில் 63 டெங்கு நோயாளர்கள் அடையாளம் காணப்பட்டுள்ளனர்-சுகாதார வைத்திய அதிகாரி வி.ஆர்.சி.லெம்பேட்.



மன்னார் சுகாதார வைத்திய அதிகாரி பிரிவில் கடந்த 10 தினங்களில் 63  டெங்கு நோயாளர்கள் அடையாளம் காணப்பட்டுள்ளதோடு நாளுக்கு நாள் டெங்கு நோயளர்களின் எண்ணிக்கை அதிகரித்து வருவதாக மன்னார் சுகாதார வைத்திய அதிகாரி வி.ஆர்.சி.லெம்பேட் தெரிவித்தார்.

-இவ்விடையம் தொடர்பில் அவர் மேலும் தெரிவிக்கையில்,,,

மன்னார் சுகாதார வைத்திய அதிகாரி பிரிவில் கடந்த 2016 ஆண்டு ஜனவரி மாதம் முதலாம் திகதி தொடக்கம் டிசம்பர் மாதம் 31 ஆம் திகதி வரையிலான காலப்பகுதிக்குள் 185 டெங்கு நோயாளர்கள் அடையாளம் காணப்பட்டுள்ளனர்.

இந்த நிலையில் இவ்வருடம் ஜனவரி மாதம் 1 ஆம் திகதி முதல் 5 ஆம் திகதி வரை 25 டெங்கு நோயாளர்கள் அடையாளம் காணப்பட்டிருந்தனர்.

இந்த நிலையில் மேலும் 5 தினங்களில் 38 டெங்கு நோயாளர்கள் அடையாளம் காணப்பட்டுள்ளனர்.

குறிப்பாக மன்னார் உப்புக்குளம், மூர்வீதி,சாவட்கட்டு,பெரியகடை, தாழ்வுபாடு,பேசாலை உள்ளிட்ட கிராமங்களிலே அதிகலவான டெங்கு நோயாளர்கள் அடையாளம் காணப்பட்டுள்ளனர்.கடந்த 10 நாற்களில் 63 டெங்கு நோயாளர்கள் அடையாளம் காணப்பட்டுள்ளனர்.

இந்த நிலையில் மன்னார் சுகாதார வைத்திய அதிகாரி பிரிவில் டெங்கு நுளம்பின் தாக்கம் மற்றும் பரவல் காணப்பட்டுள்ள இடங்களில் டெங்கு ஒழிப்பு நடவடிக்கைகள் தற்போது தீவிரப்படுத்தப்பட்டுள்ளது.

பொது சுகாதார பரிசோதகர்கள் தற்போது முழுமையாக டெங்கு ஒழிப்பு நடவடிக்கைகளில் ஈடுபட்டு வருகின்றனர்.எனினும் மக்களின் ஒத்துழைப்பு மிகவும் குறைவாக காணப்படுகின்றது.

தமது வீடு மற்றும் சுற்றுப்புர பகுதிகளில் டெங்கு நுளம்பு பரவும் சூழலை வைத்துள்ளவர்களுக்கு எதிராக கடுமையான சட்ட நடவடிக்கைகள் மேற்கொள்ளப்பட்டு வருகின்றது.

தாழ்வுபாட்டு கிராமத்தில் டெங்கு நுளம்பின் பரவல் காணப்பட்ட நிலையில் மூடப்பட்ட பாடசாலை இன்று செவ்வாய்க்கிழமை முதல் மீண்டும் ஆரம்பிக்கப்பட்டுள்ளது.


மேலும் மன்னாரில் உள்ள தனியார் கல்வி நிலையங்களினூடாக டெங்கு நுளம்பு பெருகுவதற்கான சந்தர்ப்பங்கள் அடையாளம் காணப்பட்டிருந்த நிலையில் சில தினங்களாக மூடப்பட்டிருந்த தனியார் கல்வி நிலையங்கள் மீண்டும் ஆரம்பிப்பதற்கு அனுமதி வழங்கப்பட்டுள்ளது.

தொடர்ச்சியாக டெங்கு ஒழிப்பு நடவடிக்கைகள் மேற்கொள்ளப்பட்டு வருகின்றது. தமது வீடு மற்றும் சுற்றுப்புர பகுதிகளில் டெங்கு நுளம்பு பரவும் சூழலை வைத்துள்ளவர்களுக்கு எதிராக கடுமையான சட்ட நடவடிக்கைகள் நீதிமன்றத்தினூடாக  மேற்கொள்ளப்படும் என மன்னார் சுகாதார வைத்திய அதிகாரி வி.ஆர்.சி.லெம்பேட் மேலும் தெரிவித்தார்.

-மன்னார் நிருபர்-

Photos