Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

பல்சுவை

School events

கல்வித்தளம்

மருத்துவம்

புகைப்படத்தளம்

கட்டுரைகள்

சினிமா

நான்கு கால்கள், இரண்டு பிறப்பு உறுப்புகளுடன் பிறந்த குழந்தை


இந்தியாவின் கர்நாடகா மாநிலத்தில் பெண் ஒருவருக்கு நான்கு கால்கள், இரண்டு பிறப்பு உறுப்புகளுடன் குழந்தை பிறந்துள்ளது.

கர்நாடகாவின் ராய்ச்சூர் மாவட்டம் புலந்தின்னி கிராமத்தை சேர்ந்தவர்கள் சென்னபசவா- லலிதம்மா தம்பதியினர்.

கர்ப்பமாக இருந்த லலிதம்மாவுக்கு கடந்த 21ம் திகதி ஆண் குழந்தை பிறந்துள்ளது.

நான்கு கால்கள் மற்றும் இரண்டு பிறப்பு உறுப்புகளுடன் குழந்தை பிறந்ததால் மருத்துவர்கள் அதிர்ச்சி அடைந்தனர்.

தொடர்ந்து குழந்தையை மேல் சிகிச்சைக்காக விஜயநகர மருத்துவ அறிவியல் கழத்தின் மருத்துவமனையில் அனுமதித்தனர்.

ஆனால் இக்குழந்தை கடவுளின் பரிசு எனவும், மருத்துவ சிகிச்சைக்கு அனுப்ப முடியாது எனவும் லலிதம்மா தெரிவித்துள்ளார்.

இவரிடம் பேசி சமாதானப்படுத்திய மருத்துவர்கள், குழந்தையை மருத்துவமனையில் அனுமதித்து சிகிச்சை அளித்து வருகின்றனர்.

18 வயதில் காணாமல் போன பெண் 43 வயதில் மீட்பு! 26 வருடங்களாக நடந்த கொடுமை...


இலங்கையில் நிலவிய போர்ச் சூழலில் காணாமல்போன பெண் சுமார் 26 வருடங்களின் பின் திரும்பி வந்துள்ள நிலையில் அவர் குறித்து மேலும் ஒரு விடயம் தெரியவந்துள்ளது.

திருமணமாகி மூன்றே மாதங்களில் கணவரை இழந்து வீட்டில் தனித்து இருந்த நிலையில் நாவலப்பிட்டியிலுள்ள கணவரின் உறவினர் வீட்டுக்கு சென்ற பெண்ணை கொழும்புக்கு அழைத்துச் சென்று வீடொன்றில் ஒப்படைத்தனர்.

அப்போது குறித்த பெண்ணுக்கு 18 வயது மாத்திரமே.

கொழும்பில் குறித்த பெண்ணை வீட்டுச்சிறையில் வைத்துள்ளார்கள். இது குறித்து கடந்த நான்கு நாட்களுக்கு முன்னர் விரிவான செய்திகளை வழங்கியிருந்தோம். இந்த நிலையில் தற்போது மேலும் ஒரு தகவலை குறித்த பெண் தெரிவித்துள்ளார்.

இவர் அந்த வீட்டில் சிறை வைக்கப்பட்டிருந்த காலப்பகுதியில் அங்குள்ள ஆண்களின் உடைகளை கழுவும் சந்தர்ப்பங்களில் அதற்குள் தவறி விடப்படும் பணத்தை இரகசியமாக சேமித்து வைத்துள்ளார்.


அவ்வாறு சேமித்து வைத்த பணத்தில்தான் குறித்த பெண் தப்பி வந்து தனது செலவுகளுக்காகவும், வீட்டிற்கு செல்வதற்கான பயண செலவையும் கவனித்துள்ளார்.

43 வயதாகும் பத்மகுமாரி என்பவரே இவ்வாறு 26 வருடங்களின் பின் பல இன்னல்களுக்கு முகம் கொடுத்து திரும்பி வந்துள்ளார்.


பத்மா குமாரி காணாமல் போயிருந்த காலப்பகுதியில் இவரின் உறவினர்களால் இவருக்கு ஆத்ம சாந்தி கிரியைகள் செய்யப்பட்டுள்ளதுடன் கங்கஹியல கோரல பிரதேசசெயலகத்தின் ஊடாக காணாமல் போனோருக்கான நிவாரணமும் பெறப்பட்டுள்ளதோடு நாவலப்பிட்டி பொலிஸ் நிலையத்திலும் முறைப்பாடொன்று பதிவு செய்யப்பட்டுள்ளமையும் குறிப்பிடத்தக்கது.

18 வயதில் காணாமல் போன பெண் 43 வயதில் மீட்பு! 26 வருடங்களாக நடந்த கொடுமை

 

 

மனிதர்களுக்கு பிறந்த ஏலியன் குழந்தை: ஆதாரம் இதோ


இந்தியாவில் பெண் ஒருவருக்கு தடித்த வெள்ளை தோல், சிவப்பு கண்கள் மற்றும் தலைகீழ் உதடுகளுடன் பெண் குழந்தை ஒன்று பிறந்துள்ள சம்பவம் அதிர்ச்சியை ஏற்படுத்தியுள்ளது.

பீகார் மாநிலத்திலே இந்த குழந்தை பிறந்துள்ளது, குழந்தையின் பெற்றோர் குழந்தை ஏற்க மறுத்துள்ளனர், தாய் குழந்தையை தூக்கி பால் கொடுக்க மறுத்து வருகிறார்.

மேலும், விசித்திரமாக பிறந்த குழந்தையை காண மக்கள் மருத்துவமனையில் குவிந்து வருகின்றனர்.

இதுகுறித்து மருத்துவர் கூறியதாவது, இது ஏலியன் குழந்தை இல்லை, லட்சத்தில் ஒரு குழந்தை Harlequin-type ichthyosis என்னும நோயால் பாதிக்கப்பட்டு பிறக்கிறது.

அரிய மரபணு நிலைமை காரணமாக தோல் மற்றும் முகத்தில குறைபாடுகள் ஏற்பட்டுள்ளது என மருத்துவர்கள் தெரிவித்துள்ளனர்.

ஜனாதிபதியான பின் டொனால்டு டிரம்ப் சந்திக்க போகும் முதல் பெண் தலைவர் யார் தெரியுமா?


அமெரிக்காவின் 45வது ஜனாதிபதியாக டொனால்டு டிரம்ப் பதவியேற்றுள்ளார்.

அமெரிக்காவை மேலும் வலுப்படுத்துவதே தனது நோக்கம் என்ற சூளுரையோடு தன் பயணத்தை தொடங்கியுள்ளார் டிரம்ப்.

இந்நிலையில், அடுத்த வாரம் டொனால்டு டிரம்ப் முதன் முதலாக தான் பதவியேற்றபின் ஒரு வெளிநாட்டு தலைவரை சந்திக்கவுள்ளார்.

பிரித்தானியா நாட்டின் பிரதமரான தெரேசா மேவை தான் டிரம்ப் சந்திக்கவுள்ளார். இந்த விடயத்தை வெள்ளை மாளிகையின் செய்தி தொடர்பாளர் Sean Spicer உறுதிசெய்துள்ளார்.

பிரித்தானியா நாடானது ஐரோப்பிய யூனியனிலிருந்து விலகியுள்ள நிலையில் இரு நாட்டு தலைவர்களும் தங்கள் நாட்டு வர்த்தக ஒப்பந்தம் விடயமாக பேச்சுவார்த்தை நடத்துவார்கள் என எதிர்ப்பார்க்கபடுகிறது.

சமீபத்திய பேட்டியில் கூட பிரித்தானியா ஐரோப்பிய யூனியனிலிருந்து வெளியேறியது நல்ல விடயம் என டிரம்ப் கூறியிருந்தார்.

மேலும், அமெரிக்க ஜனாதிபதி டிரம்ப் மெக்சிகோவின் ஜனாதிபதி Enrique Pena Nietoவை ஜனவரி 31ல் சந்தித்து பேசுவார் என்ற தகவலும் வெளியாகியுள்ளது.

உலகிலேயே இந்த விடயத்தில் சக்தி வாய்ந்த நாடு இது தான்! உங்க நாடு எந்த இடத்தில்?


Passport Index என்ற Magazine உலகில் சக்தி வாய்ந்த நாடுகளின் பட்டியலை வெளியிட்டுள்ளது.

இலவச விசா மூலம் அதிகளவில் மற்ற நாடுகளுக்கு பயணம் செய்யும் நாடுகளின் பட்டியலை பொறுத்து வெளியிடப்பட்டுள்ளது.

இதில் ஜேர்மனி முதலிடத்தில் தேர்வாகியுள்ளது, ஜேர்மனி பாஸ்போர்ட் வைத்திருப்பவர்கள் உலகெங்கிலும் உள்ள 158 நாடுகளுக்கு புறப்படும் முன்னர் விசா இல்லாமல் செல்லலாம்.

இரண்டாம் இடத்தில் ஸ்வீடன் நாடும், மூன்றாம் இடத்தில் சிங்கப்பூரும் உள்ளன. மீதி ஏழு இடங்களையும் ஐரோப்பியாவில் உள்ள நாடுகளான டென்மார்க், பின்லாந்து, பிரான்ஸ், ஸ்பெயின், சுவிற்சர்லாந்து, நார்வே, பிரித்தானியா ஆகியவை ஆக்கிரமித்துள்ளன.

இந்த பட்டியலில் உள்ள மொத்த நாடுகளின் தரவரிசை பட்டியல் கீழே,






அமெரிக்காவின் புதிய ஜனாதிபதியாக டொனால்ட் ட்ரம்ப் பதவியேற்பு..!


அமெரிக்காவின் 45வது ஜனாதிபதியாக டொனால்ட் ட்ரம்பு இன்று பதவியேற்கவுள்ளார். இது குறித்த நிகழ்வு தலைநகர் வாஷிங்டன் ‘கேபிடோல் பில்டிங்கில்’ நடக்கிறது. இங்குதான் ‘வெள்ளை மாளிகையும் அமைந்துள்ளது.

இந்த வண்ணமிகு விழாவில், முன்னாள் ஜனாதிபதி பராக் ஒபாமா, மிட்ஷல் ஒபாமா, பிற முன்னாள் ஜனாதிபதிகளான ஜோர்ஜ் புஷ், பில் கிளின்டன் உள்ளிட்டவர்கள் கலந்துகொண்டுள்ளனர்.

அத்துடன், டொனால்ட் டிரம்ப் உடனான ஜனாதிபதி தேர்தலில் போட்டியிட்ட ஹிலாரி கிளின்டன் ஆகியோரும் இந்நிகழ்ச்சியில் கலந்துகொண்டுள்ளார். உலக நாடுகளை சேர்ந்த பிரபலங்கள் பலரும் இந்த நிகழ்வில் கலந்துகொண்டுள்ளனர்.

அமெரிக்காவின் உச்ச நீதிமன்ற தலைமை நீதிபதி ஜோன் ரொபர்ட் பதவி பிரமாணம் செய்து வைப்பார். ஜனாதிபதியை தொடர்ந்து துணை ஜனாதிபதி தேர்தலில் வெற்றி பெற்ற மைக் பென்ஸ், அமைச்சர்கள் பதவியேற்கின்றனர்.

இந்த நிகழ்வில் கலந்துகொள்வதற்கு 2.5 லட்சம் பேருக்கு அனுமதி வழங்கப்பட்டுள்ளதாக தெரிவிக்கப்படுகின்றது. பதவியேற்ற பின்னர் டொனால்ட் டிரம்ப், தனது ஆரம்ப உரையை நிகழ்த்துவார்.

இதனையடுத்து, அமெரிகாகவின் புதிய ஜனாதிபதி மற்றும் முதல் பெண்மணி ஆகியோருக்கு பென்சில்வேனியா அவென்யுவில் இருந்து ‘வெள்ளை மாளிகை’ வரை இராணுவ அணிவகுப்பு மரியாதை வழங்கப்படும்.

இதன் பின்னர் முன்னாள் ஜனாதிபதி பராக் ஒபாமா வெள்ளை மாளிகையில் இருந்து வெளியேறுவார். ட்ரம்பின் பதவியேற்பை முன்னிட்டு தலைநகர் வாஷிங்டனில் பாதுகாப்பு பலப்படுத்தப்பட்டுள்ளதாக தெரிவிக்கப்படுகின்றது.

கடந்த ஆண்டு நவம்பர் மாதம் 8ஆம் திகதி அமெரிக்கா ஜனாதிபதி தேர்தல் இடம்பெற்றது. இதில் குடியரசு கட்சி சார்பில் போட்டியிட்ட டொனால்ட் டிரம்ப், ஜனநாயக கட்சி சார்பில் போட்டியிட்ட ஹிலாரி கிளிண்டனை தோற்கடித்து அமெரிக்காவின் புதிய ஜனாதிபதியாக தெரிவானார்.

தேர்தல் வெற்றிக்குப் பின்னர் அமெரிக்க மக்கள் பலரும் டொனால்ட் ட்ரம்ப்க்கு கடுமையான எதிர்ப்பை வெளியிட்டனர். எனினும், அமெரிக்காவின் ஜனாதிபதி டிரம்ப் தான் என்பது உறுதியானமை குறிப்பிடத்தக்கது.

பூமியில் சிக்கிய பறக்கும் சித்திர குள்ளர்கள்.! வியப்பில் விஞ்ஞானிகள் - இன்னுமோர் உலகோடு இணையும் பூமி.!


புராணக்கதைகளில் சித்திர குள்ளர்கள் பறக்கும் மனிதர்கள், வித்தியாசமான உடலமைப்பு கொண்ட உயிரினங்கள் என பல்வேறு வகையாக உயிரினங்களைப் பற்றி கூறியிருக்கின்றன.

அந்த வகையில் தேவதைகள் என புராணங்கள் வர்ணித்தவை வெறும் கற்பனையா அல்லது நிஜத்தின் பதிவா என்ற கேள்வி நிச்சயம் எழக் கூடும்.

காரணம் கற்பனைக்கு எட்டாத வகையில் புராணக் கதாபாத்திரங்கள் சித்தரிக்கப்பட்டிருக்கும். அவ்வாறான உயிரினங்கள் கண் முன் தோன்றினால்??

ஆம் இது நடக்கக் கூடும் எனவும் அவ்வாறான உயிரினங்கள் பூமிக்கு சொந்தமில்லாதவை. ஆனாலும் இப்போதும் அவை பூமியில் காணப்படுகின்றன என ஆய்வாளர்கள் தெரிவித்துள்ளனர்.

இதற்கு ஆதாரமும் கிடைத்துள்ளது புராண கதைகளில் கூறப்பட்ட பறக்கும் தேவதைகளைப் போன்ற வடிவம் கொண்ட உடல்கள் கிடைத்துள்ளன.

இதனைவைத்து ஆய்வு செய்த விஞ்ஞானிகள் அவை வேற்று உலகத்தை சேர்ந்தவைகள் என அடித்துக் கூறுகின்றனர். அத்தோடு பூமியின் சூழலுக்கும் ஏற்ப வாழும் உயிரினங்களே இவை என்பதனையும் கண்டு பிடித்தனர்.



ஆனாலும் அவை எப்படி பூமிக்கு வந்தன? யார் கொண்டு வந்தது அல்லது தானாக பூமிக்கு வருகின்றதா? அப்படி என்றால் அதற்கான பாதை எங்குள்ளது என்ற பல கேள்விகள் பிறந்தன.

இந்தக் கேள்விகளுக்கு விடை கூறமுடியாத விஞ்ஞானிகள் மர்மமாக மறைத்து விடுகின்றனர்.

அந்த வகையில் உருவான தேடலுக்கு பதிலாகவே கருந்துளைகளை கூறிய விஞ்ஞானிகள். பிரபஞ்சத்தில் காணப்படும் கருந்துளைகள் மூலமாகவே இரு உலகங்களை இணைக்கும் பாதை உருவாவதாக கூறினர்.


உலகின் தலை சிறந்த விஞ்ஞானியான ஸ்டீபன் ஹாக்கிங்கும் கூட இதனை ஒத்துக் கொண்டுள்ளதோடு, பூமி முழுவதும் இவ்வாறான பிரபஞ்சங்களை இணைக்கும் கருந்துளைகள் காணப்படுகின்றன எனவும் கூறியுள்ளார்.

ஆனாலும் அவை எப்போது எங்கே உருவாகும் என்பது எவராலும் கண்டு பிடிக்க கணிக்க முடியாத காரணத்தினாலேயே புதிராக உள்ளது என்றும் அவற்றை செயற்கையாக உருவாக்க முயற்சி செய்வதாகவும் தெரிவித்துள்ளார்.


அதன் படி இவ்வாறான விசித்திர உயிரினங்கள் வேறு உலகத்தில் இருந்து பூமிக்கு வந்து செல்கின்றன. வந்த பாதை மறைந்து போகவே அவை பூமியில் மறைந்து வாழ முயற்சி செய்கின்றன எனவும் ஆய்வாளர்கள் கூறியுள்ளனர்.

இப்போது அதிகரித்துள்ள பிரபஞ்ச தேடல் மற்றும் விஞ்ஞான வளர்ச்சியின் அடிப்படையின் கூடிய விரையில் இன்னுமோர் உலகத்தோடு பூமி இணையும் எனவும் விஞ்ஞானிகள் நம்பிக்கை வெளியிட்டுள்ளனர்.






உலகையே ஸ்தம்பிக்க வைக்கும் அமெரிக்காவின் இரகசிய ஆயுதம்..! அச்சத்தில் உலக நாடுகள்....


உலகின் பெரும் வல்லரசு நாடுகளாக இருக்க கூடிய அமெரிக்கா, ரஷ்யா, பிரித்தானியா, பிரான்ஸ், சீனா உள்ளிட்ட நாடுகள் இன்று பல்வேறு துறையிலும் போட்டிப்போட்டு கொண்டிருக்கின்றன.

பொருளாதாரம், இராணுவ பலம், ஆயுத உற்பத்தி என பல்வேறு துறைகளிலும், வல்லரசு நாடுகள் தங்களை போட்டி போட்டுக்கொண்டு வளர்த்துக்கொண்டிருக்கின்றன.

உலக நாடுகளை தங்களின் ஆதிக்கத்தின் கீழ் வைத்துக்கொள்ளும் நோக்கிலும், கட்டுப்படுத்தும் நோக்கிலும் இன்று வல்லரசு நாடுகளில் பாரிய சேதங்களை ஏற்படுத்த கூடிய ஆயுதங்கள் உற்பத்தி செய்யப்படுகின்றன.

மறுபுறம் தீவிரவாதிகளின் அச்சுறுத்தல் வல்லரசு நாடுகளுக்கு அதிகரித்துள்ள நிலையில் அவர்களை கட்டுப்படுத்த வேண்டி தேவையும் இருக்கின்றன.

இந்நிலையில், தற்போது உலக நாடுகளை அச்சுறுத்தும் வகையில் ஆயுதங்கள் தயாரிக்கப்பட்டு வருகின்றன. அந்த வகையில் தற்போது அமெரிக்கா இரகசியமான முறையில் தயாரிக்கும் ஆயுதம் பற்றிய தகவல்கள் வெளியாகியுள்ளன.


மிகவும் இரகசியமான முறையில் தயாரிக்கபடும் இந்த ஆயுதத்தை கொண்டு தாக்குதல் மேற்கொள்ளப்பட்டால், எந்த ஒரு உயிர்சேதமும் ஏற்படாது என தெரிவிக்கப்படுகின்றது.

ஆனால், இந்த ஆயுதத்தைக்கொண்டு தாக்குதல் மேற்கொள்ளப்படும் பட்சத்தில் அந்த இடம் முழுவதுமாகவே , ஸ்தம்பித்து போய்விடும் என கூறப்படுகின்றது.

எலக்ரோ மக்னடிக் பல்ஸ் என அழைக்கப்படும் மின் காந்த புலம், ஒரு இடத்தில் உருவாகினால், அந்த இடத்தில் அமைந்துள்ள ரேடியோ தொடர்பாடல், மின்சாரம், இணையம், கணினி முதல்கொண்டு அனைத்தும் செயல் இழந்துவிடும்.

அவ்வாறான மின் காந்த புலத்தை ஒரு நேர்த்தியாக வடிவமைத்து, எறிகணை ஒன்றில் பொருத்த செய்து அதனை வெடிக்க வைப்பதற்கு அமெரிக்கா இரகசியமான முறையில் திட்டம் தீட்டியுள்ளதாக தெரிவிக்கப்படுகின்றது.


எதிரிகளை இலக்கு வைத்து இந்த ஆயுதத்தைக்கொண்டு தாக்குதல் நடத்தினால், அந்த இடத்தினையே முழுமையாக ஸ்தம்பிதமடைய செய்ய முடியும் என கூறப்படுகின்றது.

இதன் மூலம் எதிரிகள் மீது மிகவும் இலகுவாக தாக்குதல் மேற்கொள்ள முடியும். அத்துடன், வானில் பறக்கும் விமானம், ஹெலிகொப்டர் முதல்கொண்டு அனைத்தையும் இந்த மின்காந்த புலம் பாதிப்படைய செய்யும் என கூறப்படுகின்றது.

இதேவேளை, அமெரிக்கா இவ்வாறான ஆயுதங்களை தயாரித்து வருவதாக சீனா ஏற்கனவே குற்றம் சுமத்தியிருந்தது. மேலும், அமெரிக்காவின் இந்த திட்டத்தினால் உலக நாடுகள் பலவும் அச்சத்தில் இருப்பதாக சுட்டிக்காட்டப்பட்டுள்ளது.

ஏனெனில், பிற்காலத்தில் தீவிரவாதிகளும் இவ்வாறான ஆயுதங்களை கொண்டு தாக்குதலை நடத்த கூடும் என உலக நாடுகள் அச்சம் கொண்டுள்ளதாக தெரிவிக்கப்பட்டுள்ளமை குறிப்பிடத்தக்கது.



Photos